განაცხადის შევსება:  პლატფორმაზე დაკავშირების შემდეგ, განმცხადებელმა უნდა შექმნას თავისი პროფილი, ელ.ფოსტისა და პაროლის მითითების გზით. შესვლის შემდეგ, ის შეძლებს კონკურსის ფარგლებში ოფიციალური განცხადების წარდგენას. მან უნდა აღწეროს პროექტი, სადაც მითითებული იქნება პროექტის აღწერილობა, შერჩეული აღჭურვილობა, რომლისთვისაც არის მოთხოვნილი გრანტი და თანდართული იქნება ყველა დამხმარე დოკუმენტი.

გთხოვთ იხილოთ ვიდეო ინსტრუქცია, თუ როგორ უნდა შეავსოთ განაცხადის ფორმა. 

განმცხადებლის პროგრამასთან შესაბამისობისა და ბიუჯეტის შემოწმება: განაცხადის წარდგენისთანავე, FAO შეამოწმებს განაცხადში წარდგენილ ბიუჯეტსა და განაცხადის პროგრამასთან შესაბამისობას. თუკი საჭირო გახდება ცვლილების შეტანა,  FAO დაუკავშირდება განმცხადებელს და შესთავაზებს ცვლილებებს, რათა დარწმუნდეს, რომ განაცხადი შეესაბამება პროგრამის მოთხოვნებს.

დამხმარე დოკუმენტების წინასწარი შემოწმება: ბიუჯეტის წინასწარი შემოწმების შემდეგ, FAO მოახდენს  მიღებული დამხმარე დოკუმენტაციის წინასწარ შემოწმებას.

სავერიფიკაციო საველე ვიზიტი: წინა ეტაპების შემდეგ,  FAO ან მისი განმახორციელებელი პარტნიორი ჩაატარებს საველე ვიზიტს,  რათა გადაამოწმოს განაცხადში მითითებულ ინფორმაცია. საველე ვიზიტმა უნდა დაადასტუროს, რომ:  

განაცხადის ტექნიკური შეფასება: წარმატებული საველე ვიზიტის შემდეგ,  განაცხადის ტექნიკური განხილვა განხორციელდება FAO-ს პროექტის განმახორციელებელი ერთეულის გრანტების ანალიტიკოსების მიერ. ტექნიკური გადახედვა მიზნად ისახავს შეაფასოთ პროექტის გონივრულობა ტექნიკური თვალსაზრისით. უფრო ზუსტად, ტექნიკური გადახედვა უზრუნველყოფს, რომ:

განაცხადების შერჩევა: განაცხადის წარმატებული ტექნიკური გადახედვის შესაბამისად, განაცხადების განხილვის კომიტეტი, რომელიც აერთიანებს საქართველოში ევროკავშირის დელეგაციის, გარემოს დაცვისა და სოფლის მეურნეობის სამინისტროსა და FAO-ს წარმომადგენლებს,  მიიღებს საგრანტო გადაწყვეტილებას.

გრანტის გადახდა: თუკი პროექტი დაფინანსდება, FAO დაუკავშირდება გრანტიორს, რათა მომზადდეს ხელშეკრულება გრანტიორსა და FAO-ს შორის.  ხელმოწერის შემდგომ, გრანტიორმა უნდა გადაუხადოს თავისი თანამონაწილეობრივი კონტრიბუცია შერჩეულ მომწოდებელს.  რის შემდეგაც, მომწოდებლის მიერ მოხდება აღჭურვილობის ფერმაზე ჩატანა.  განხორციელდება საველე ვიზიტი, რათა დადასტურდეს აღჭურვილობის მიწოდება, რასაც მოყვება FAO-ს მხრიდან თანამონაწილეობრივი გრანტის გადახდა. 

მონიტორინგი და შეფასება: საგრანტო ხელშეკრულების ხელმოწერით, განმცხადებელი იღებს ვალდებულებას შეინახოს და  მოუაროს  მხარდაჭერილ აღჭურვილობას (სათადარიგო ნაწილების ჩათვლით) ხელშეკრულების ხელმოწერის თარიღიდან მინიმუმ ხუთი წლის განმავლობაში. განმცხადებელი, ასევე, იღებს ვალდებულებას დაიცვას ღია კარის პოლიტიკა და ხელი შეუწყოს FAO-ს მიერ მის დაწესებულებაში განხორციელებული ვიზიტების ჩატარებას.  FAO განახორციელებეს წლიურ საველე ვიზიტებს, რათა უზრუნველყოს აღჭურვილობის სწორი გამოყენება.